ARIYANNUR AKSHARASLOKAKALAKSHETHRAM

അരിയന്നൂര്‍  

 

ജൂണ്‍ 2017  ലക്കം 66    

പത്രാധിപര്‍ : അരിയന്നൂര്‍ ഉണ്ണിക്കൃഷ്ണന്‍ 

 

[മാസികയുടെ പഴയ ലക്കങ്ങള്‍ കാണുവാന്‍ ഹോംപേജില്‍ Archives ക്ലിക്കു ചെയ്യുക] 

 

അരിയന്നൂര്‍ അക്ഷരശ്ലോകകലാക്ഷേത്രം:

ലോകത്തെവിടെയുള്ള അക്ഷരശ്ലോകകലാകാരനും അക്ഷരശ്ലോക‌സ‍ഘടനയും ഞങ്ങള്‍ക്കു വിലപ്പെട്ട സൌഹൃദങ്ങളാണു. എല്ലാവരുടേയും സൌഹൃദസഹകരണങ്ങള്‍ക്കു ഞങ്ങളുടെ ഓരോ മുന്നേറ്റവും സമര്‍പ്പിയ്ക്കുന്നു.

ആദ്യത്തെ അക്ഷരശ്ലോകഡയറക്ടറി (2000)
ആദ്യത്തെ അക്ഷരശ്ലോക വെബ് സൈറ്റ് (2001)
സ്വന്തം ഡൊമെയിന്‍ നെയിമുള്ള ആദ്യത്തെ വെബ് സൈറ്റ് (2011)
ആദ്യത്തെ ഓണ്‍ ലൈന്‍ അക്ഷരശ്ലോകമാസിക(2012)
ആദ്യത്തെ അക്ഷരശ്ലോക ഫേസ് ഗ്രൂപ്പ് കൂട്ടായ്മ (2011)
ആദ്യത്തെ അക്ഷരശ്ലോക വാട്ട്സ് ആപ്പ് കൂട്ടായ്മ (2014)
അക്ഷരശ്ലോകം ന്യൂസ് , ശ്ലോകപത്രം എന്നീ വാട്ട്സ് ആപ്പ് കൂട്ടായ്മ 
മാസം തോറും ഏകാക്ഷരശ്ലോകസദസ്സ്

 


ആദ്യത്തെ അക്ഷരശ്ലോകഡയറക്ടറി (2000)
ആദ്യത്തെ അക്ഷരശ്ലോക വെബ് സൈറ്റ് (2001)
സ്വന്തം ഡൊമെയിന്‍ നെയിമുള്ള ആദ്യത്തെ വെബ് സൈറ്റ് (2011)
ആദ്യത്തെ ഓണ്‍ ലൈന്‍ അക്ഷരശ്ലോകമാസിക(2012)
ആദ്യത്തെ അക്ഷരശ്ലോക ഫേസ് ഗ്രൂപ്പ് കൂട്ടായ്മ (2011)
ആദ്യത്തെ അക്ഷരശ്ലോക വാട്ട്സ് ആപ്പ് കൂട്ടായ്മ (2014)
അക്ഷരശ്ലോകം ന്യൂസ് , ശ്ലോകപത്രം എന്നീ വാട്ട്സ് ആപ്പ് കൂട്ടായ്മ 
മാസം തോറും ഏകാക്ഷരശ്ലോകസദസ്സ്

തത്വമുക്തകം  62

 

സന്തോഷാമൃതതൃപ്താനാം

യത് സുഖം ശാന്തചേതസാം

കുതസ്തദ് ധനലുബ്ധാനാം

ഇതശ്ചോതശ്ച ധാവതാം

സന്തോഷാമൃതതൃപ്തന്മാരായ ശാന്തചിത്തര്‍ക്കുള്ളതായ സുഖം അങ്ങിങ്ങു പാഞ്ഞു നടക്കുന്ന ധ്നലുബ്ധന്മാര്‍ക്കു എവിടെ കിട്ടാനാണു  


 

ശ്ലോകവും ലോകവും 

 

പുസ്തകപ്രകാശനം

കവനകൈരളി (ഗുരുവായൂര്‍) പ്രസിദ്ധീകരിയ്ക്കുന്ന ആദ്യപുസ്തകത്തിന്‍റെ പ്രകാശനകര്‍ മ്മം 03/06/2017 നു അരിയന്നൂരില്‍ വച്ചു നടന്നു. ഉണ്ണിക്കൃഷ്ണന്‍ ചെറുതുരുത്തിയുടെ ശ്ലോകസമാഹാരം "പൂച്ചെണ്ടുകള്‍, പുഷ്പചക്രങ്ങള്‍" എന്ന ഗ്രന്ഥം പ്രഫ.നാരായണമേനോന്‍ ശ്രീ.രാധാകൃഷ്ണന്‍ കാക്കശ്ശേരിയ്ക്കു ആദ്യ പ്രതി നല്കിക്കൊണ്ടാണു നിര്‍വ്വഹിയ്ക്കപ്പെട്ടത്. വില‌: 125 രൂപ ഗ്രന്ഥകര്‍ത്താവിന്‍റെ നമ്പര്‍: 

ഭാഷാനാരായണീയം

 

ഭാഷാനാരായണീയം പ്രസിദ്ധീകരിച്ചു.

മേല്‍പുത്തൂരിന്‍റെ ശ്രീമന്നാരായണീയത്തിനു ഭാഷാവൃത്തത്തില്‍ ഒരു പരിഭാഷ‌

പരിഭാഷകന്‍ : അരിയന്നൂര്‍ ഉണ്ണിക്കൃഷ്ണന്‍

ഇടതുവശത്തെ പേജില്‍ നാരായണീയം മൂലശ്ലോകങ്ങള്‍, നേരെ വലതുവശത്തെ പേജില്‍ പരിഭാഷ ലളിതമായ ഈരടികളില്‍

അതിഗഹനമായ നാരായണീയ ശ്ലോകങ്ങള്‍ സാധാരണകാര്‍ക്കു അയത്നലളിതമായി മനസ്സിലാക്കാന്‍ കഴിയുന്ന വിധം   നേര്‍പരിഭാഷ‌

മഹാകവി അക്കിത്തത്തിന്‍റെ  അവതാരിക‌

ആലങ്കോടു ലീലാകൃഷ്ണന്‍റെ  ആമുഖം

ഡാക്ടര്‍ ഇ.എന്‍.ഉണ്ണിക്കൃഷ്ണന്‍റെ  പഠനം

ആകെ പേജു 500

മുഖവില 350 രൂപ, ഇപ്പോള്‍ 300 രൂപയ്ക്കു ലഭിയ്ക്കുന്നു.

ഇന്ത്യയ്ക്കകത്ത് പോസ്റ്റേജ് സൌജന്യം

നേരിട്ടോ, മ‌ണി ഓര്‍ഡര്‍, ചെക്ക്, ഡിജിറ്റല്‍ രീതികളിലോ വില അട‌യ്ക്കാന്‍ സൌകര്യം ഉണ്ട് 

വിലാസം (മണി ഓര്‍ഡറയയ്കക്കുമ്പോള്‍)

P.R.UNNIKRISHNAN

PALLIPPAAT HOUSE

P.O.ARIYANNUR

THRISSUR

KERALA 680102

 

by cheque/digital transfer:

P,R,UNNIKRISHNAN

a/c no.(Andhra bank Guruvayur br). 122110100008814

IFSC code : ANDB0001221

 

പുസ്തകം ലഭിയ്ക്കാന്‍ ഈ ഇമെയിലില്‍  അല്ലെങ്കില്‍ 9447129500 നമ്പരില്‍ മെസ്സേജ്/ വാട്ട്സ് ആപ്പ്  ആയോ പൂര്‍ണ്ണവിലാസവും മൊബയില്‍ നമ്പരും അയയ്ക്കുക. 

 

  

അക്ഷരശ്ലോകസദസ്സ് 

03-06-2017അരിയന്നൂരില്‍ ഏകാക്ഷര ( ഇ മുതല്‍ ഒ വരെ) ശ്ലോകസദസ്സു നടന്നു. 

ഗുരുവായൂരിനടുത്തു കാവീട്ടില്‍ ടി.കെ.പ്രസന്നന്‍റെ വീട്ടില്‍ 28-05-2017നു നടന്ന അക്ഷരശ്ലോക അഹസ്സ്.പങ്കെടുത്തവര്‍:

ഉണ്ണിക്കൃഷ്ണൻ ചെറുതുരുത്തി, പ്രസന്നൻ,പുരുഷോത്തമൻ നായർ,ജയൻ വാരിയർ,അരിയന്നൂർ ഉണ്ണിക്കൃഷ്ണൻ

 

 

31-05-2017 ന് കോട്ടപ്പടിയില്‍ കൊങ്ങൂര്‍പ്പിള്ളി മനയ്ക്കല്‍ (എസ്.എന്‍.നമ്പൂതിരിയുടെ ഗൃഹത്തില്‍) ന‌ടന്ന അക്ഷരശ്ലോകസദസ്സ്.

പങ്കെടുത്തവര്‍:കൊങ്ങൂര്‍പ്പിള്ളി, ജയന്‍ വാരിയര്‍, കൃഷ്ണമൂര്‍ത്തി അയ്യര്‍, ശിവരാമന്‍ നായര്‍, യതീന്ദ്രന്‍, ദാമോദരപ്പണിക്കര്‍, അയിരില്‍ നാരായണന്‍, ടി.കെ.പ്രസന്നന്‍, അരിയന്നൂര്‍ ഉണ്ണിക്കൃഷ്ണന്‍, പുരുഷോത്തമന്‍ നായര്‍, വിശ്വനാഥന്‍ നമ്പ്യാര്‍, കുന്നം വിജയന്‍

 

 

സംസ്കൃതത്തിൽ നിന്നു ഒരു മുത്ത്‌  - 65

 

 

നിത്യം  പുരാ മമ കരോതി വിഹംഗനാദഃ

പ്രത്യൂഷ ഏഷ ഹൃദി രോഷകഷായിതത്വം

അദ്യഃ ത്വദീയവിരഹേ തു പുനഃ സ ഏവ‌

പ്രീതിം കരോതി വിവിധാ കില ദൈവചേഷ്ടാ

 

 

പ്രഭാതത്തിലെ പക്ഷികൂജനം മുമ്പു എനിയ്ക്കു കോപമുളവാക്കിയിരുന്നു. ഇപ്പോഴാകട്ടെ  അങ്ങയുടെനിന്‍റെ ഈ വിരഹത്തില്‍ അതേ കൂജനം എന്നില്‍ സന്തോഷം ഉണ്ടാക്കുന്നു.  ദൈവചേഷ്ടിതങ്ങള്‍ പലവിധത്തിലാകുന്നു.

 

മുത്തും പരിഭാഷയും 

മുത്ത് - 64

ലക്ഷ്മീകൌസ്തുഭപാരിജാതസഹജഃ
സൂനുസ്സുധാംഭോനിധേര്‍
ദ്ദേവേന പ്രണയപ്രസാദനിധിനാ
മൂര്‍ദ്ധ്നാ ധൃതഃ ശംഭുനാ
അദ്യാപ്യുഞ്ഛതി നൈവ ദൈവവിഹിതം
ക്ഷൈണ്യം ക്ഷപാവല്ലഭഃ
കേനാന്യേന വിലംഘ്യ‌തേ വിധിഗതിഃ
പാഷാണരേഖാസഖീ
ലക്ഷ്മി, കൌസ്തുഭം , പാരിജാതം ഇവയുടെ സഹോദരന്‍, പാല്ക്കടലി
ന്‍റെ മകന്‍, പ്രണയപ്രസാദനിധിയായ ഭഗവാന്‍ ശിവനാല്‍ തലയില്‍
 ധരിയ്ക്കപ്പെടുന്നവന്‍, (അങ്ങനെയുള്ള) ച‌ന്ദ്രന്‍ ഇപ്പൊഴും വിധിവിഹിത
മായ ക്ഷീണത ഉപേക്ഷിയ്ക്കുന്നില്ല.കല്ലിലെഴുത്തിന്‍റെ സഖിയായ തലയി
ലെഴുത്തു പിന്നെ മറ്റാര്‍ക്കാണു ലംഘിയ്ക്കാന്‍ കഴിയുക.
പരിഭാഷകൾ
1
ദിലീപ്
ലക്ഷ്മീസ്വർദ്രുമകൗസ്തുഭർക്കു സഹജൻ,
ക്ഷീരാബ്ധിജൻ, ശംഭുവാം 
സാക്ഷാത് പ്രേമനിധിക്കു മസ്തകമണി 
ജ്യോത്സ്‌നേശനിക്കാലവും 
പ്രക്ഷീണത്വമൊഴിച്ചിടാ വിധിവശാൽ;
കല്ലിൽ വരച്ചിട്ടതിൻ 
സൂക്ഷ്മം മിത്രമതാം ലലാടലിഖിതം 
മറ്റാർക്കു മാറ്റാമഹോ!
2
അത്തിപ്പറ്റ രവി
ഹാ! മാകൗസ്തുഭപാരിജാതസഹജൻ 
പാലാഴിതൻ പുത്ര,ന - 
സ്സോമൻ സുപ്രണതപ്രസാദനിധിയാ - 
മീശന്റെ മൗലിസ്ഥിതൻ 
ശ്രീ മങ്ങും വിധിനിശ്ചയത്തെയവനി - 
ന്നാളും വെടിഞ്ഞി,ല്ലെവ - 
ന്നാ,മ,ക്കൽക്കുറി കൂട്ടെഴുന്നൊരു ശിരോ - 
രേഖാളി ലംഘിയ്ക്കുവാൻ?!
3
തൃക്കഴിപ്പുറം രാമ‍ന്‍
ലക്ഷ്മീകൗസ്തുഭപാരിജാതസഹജൻ,പാലാഴി തൻ പുത്ര,ന 
ത്ര്യക്ഷൻതൻ ,പ്രണയപ്രസാദനിധിതൻ ശീർഷേവസിക്കുന്നവൻ ,
നൽക്ഷീണം വിധിദത്തമായതു വിടാ ചന്ദ്രൻ ,ശിരോലേഖനം,
സാക്ഷാൽ കൽക്കുറി തന്റെ ചേ ടി,യതു ഹാ മാറ്റാനെവൻ ശക്തനാം
4
പി എന്‍ വിജയന്‍
ലക്ഷ്മിക്കുംകൗസ്തുഭത്തിന്നതിനുമനിയനാംപാരിജാതത്തിനേട്ടൻ
പാലാഴിപ്പുത്രനായോൻശിവനുടെമുടിയിൽത്താമസിക്കുന്നകേമൻ
ചന്ദ്രന്നുംക്ഷീണമേൽക്കും വിധിയുടെ കുറിമാനത്തെയാർ മാറ്റുവാനാം
പാടാണേശ്രീയൊടെന്നുംതുടരുവതിവിടെപ്പാടുപെട്ടാലുമേറ്റം
5
അരിയന്നൂര്‍ ഉണ്ണിക്കൃഷ്ണന്‍
പാലാഴിയ്ക്കു മകന്‍, സഹോദരനഹോ 
മന്ദാരമാകൌസ്തുഭര്‍,
ക്കാലംബിപ്പവരില്‍ പ്രസാദനിധിയാം 
രുദ്രന്നു ചൂഡാമണി,
ചേലില്‍ ചന്ദ്രനുമായതില്ല വിധിയാം തന്‍ 
ദുക്ഷയം നീക്കുവാന്‍; 
ഹാ! ലംഘിപ്പതിനാര്‍ ശിലാലിഖിതമോ
ടൊക്കും ശിരോലേഖനം

 


  

പുതിയ കവിതകള്‍ 


കൃഷ്ണമുക്തകങ്ങൾ
ഡി.കെ.എം.കർത്താ
 
കൃഷ്ണാവലംബം
 
ഞാനൊറ്റയ് ക്കാണു കണ്ണാ! കനിയുക! ചുഴലു--
ന്നുണ്ടനേകം സഹസ്രം
പേരെങ്കിൽപ്പോലു; മാരും ദയയുടെ വിരലാൽ--
ത്തൊട്ടിടുന്നില്ല, കഷ്ടം !
നോവിൻ രക്ഷസ്സു വന്നെൻ കുടിലിനു പുറമേ
നിൽപ്പുറപ്പിയ് ക്കെ, യേകൂ
ശൈലം പൊന്തിച്ച കൈയ് യാൽ അഭയദമതുലം
ശക്തഹസ്താവലംബം !!
 
കൃഷ്ണവിപിനം
 
കാടേ നിന്റെ വിഹാരഭൂമി; പകലാം നേരത്തു ഗോവൃന്ദമൊ--
ത്താടിപ്പാടിനടന്നു, ചാഞ്ഞു തണലിൽ നീയൊന്നുറങ്ങുന്നിടം;
പൂവും നൂറു പഴങ്ങളും പലതരം തേനും തുളുന്പും ജല--
സ്രോതസ്സും തിരുമുന്പിൽ വെച്ചു വിപിനം നിൽപ്പാ.ണുണർന്നീടുമോ ?
 
കൃഷ്ണൌഷധം
 
ഗോക്കൾ രുഗ് ണവപുസ്സുമായി മരുവും ഗോശാലയിൽക്കേശവൻ
ക്ലേശത്തിന്റെയിരുണ്ട രാത്രിയിലവർക്കേകീ തലോടിസ്സുഖം;
ആർത്തർക്കിന്നു തലോടലില്ല; പകരം ഗോവിന്ദസങ് കീർത്തനം
നാവിൽ, ച്ചുണ്ടിലും, ഉള്ളിലാകെയുമിതാ തേയ് ക്കുന്നു സിദ്ധൌഷധം !!
 
കൃഷ്ണപുരി
 
കണ്ണിൽസ്സുന്ദരരൂപം; എന്റെ ചെവിയിൽ വംശീരവം; ചുണ്ടിലോ
സ്പന്ദിയ് ക്കും തിരുനാമധേയം; അകമേ ഗോവിന്ദഗാഥാരസം :
വന്ദിയ് ക്കുന്നു കരങ്ങൾ അങ്ങയെ; യിതാ പാദങ്ങൾ തേടുന്നു സൽ--
സ്സങ്കേതം ഗുരുവാതപുണ്യനഗരീമദ്ധ്യത്തിലാർത്തിച്ഛിദം !
 
കൃഷ്ണപൂജ
 
കസ്തൂരിക്കുറി നെറ്റിയിൽ, ച്ചെറുചിരിപ്പൂവൊന്നു ചെഞ്ചുണ്ടിലും,
കണ്ണിൽക്കാരുണി, കണ്ഠദേശമതിലോ, കാടിന്റെ സൌഗന്ധികം;
കണ്ണൻ വന്നു കളിച്ചു നിൽപ്പു മനമാം മുറ്റത്തിതാ; ഭക്തിതൻ--
വെണ്ണക്കിണ്ണസമർപ്പണത്തിനുടനേ വെന്പിക്കുനിഞ്ഞീടുവേൻ !!
 
കൃഷ്ണാദ്വൈതം
 
രാധേ, നീ കുസൃതിക്കുരു; ന്നിണപിരിഞ്ഞീടാത്തൊരദ്വൈതമാം
വംശീകൃഷ്ണസമന്വയം കളവിനാൽ രണ്ടാക്കി നിൻകൌശലം!
വേഗം നീ തിരികെക്കൊടുക്കുക മുളംകാടിന്റെ ദാനം; പുരാൻ
തേടിത്തേടിയിതാ തളർന്നു; മിഴിയിൽ കാണുന്നതില്ലേയഴൽ ?
 
കൃഷ്ണപരിമളം
 
വക്ഷസ്സിൽ ഹരിചന്ദനം, മൃഗമദം നെറ്റിത്തടത്തിൽ, മുടി--
ക്കെട്ടിൽ വന്യപരാഗരേണു, വുടലോ വൃന്ദാസുഗന്ധാത്മകം;
ചുണ്ടിൽക്കാട്ടുമുളംകുഴൽപ്പരിമളം, ചേതസ്സിൽ നിൽക്കുന്നിതാ
കണ്ണൻ സൗരഭമൂർത്തിയായ്, ക്കലിരുജാസംഹാരസന്മൂർത്തിയായ് !
 
കൃഷ്ണാങ്ഗുലി
 
ഞാണിന്മേൽ വിഹരിച്ച പൂവിരലിനാൽ പോരിന്നൊരുക്കുന്നു നീ
പാർത്ഥൻ കേറിയ തേരിലെക്കുതിരകൾ പേറും കടിഞ്ഞാണുകൾ;
ഓടത്തണ്ടിലെയേഴു നൽത്തുളയിലും ഗോവത്സചർമ്മത്തിലും
ചേർത്തീടുന്നു തവാങ് ഗുലീതതി വിഭോ ! ദിവ്യം മഹാനിർവൃതി !!!
 
കൃഷ്ണസ്നാനം
 
കാളിന്ദീജലകേളിയിൽ മുഴുകിടും കണ്ണന്റെ മുഗ്ദ്ധാനന--
പ്പൂവിൽ സൂരജ മാറിടുന്നു കണികാസാഹസ്രിയായിസ്സ്വയം!
സൂര്യൻ സൌരിയോടൊത്തു ചേർന്നു ഹരിതൻ സാമീപ്യമാർജ്ജിയ് ക്കുവാൻ
നേടുന്നൂ പ്രതിബിംബനം ജലകണങ്ങൾക്കുള്ളിലെല്ലാറ്റിലും !!
 
കൃഷ്ണശങ് ഖം
 
ധ്യാനത്തിന്റെ മുഹൂർത്തമെത്തി ഭഗവൻ! വന്നാലുമെന്നുള്ളിലെ--
പ്പീഠത്തിൽസ്ഥിതനായി ദീർഘതരമായ് ശ്ശങ് ഖം മുഴക്കീടുവാൻ;
ചിത്തത്തിന്റെ വികൽപ്പമാകെയവിടുന്നൂതുന്നൊരോംകാരമാം
നാദത്തിൽ വിലയിച്ചു ശാന്തിയിലലിഞ്ഞീടാവു, യോഗേശ്വര !
കുരുവി
വിനോദ് വര്‍മ്മ‌
കരത്തിലേതോ കുരുവിക്കുരുന്നിനേ-
യിരുത്തിയെത്തീ മുനി തന്നടുക്കലായ്
കുറച്ചു പേര്‍, കൌശലമായി ചോദ്യമൊ-
ന്നിറക്കി പോലാമുനിയോടിതേവിധം
പറഞ്ഞിടാമോ മുനിവര്യ! കൈയ്യിലാ-
യിരിപ്പതുണ്ടേ കിളിയൊന്നു, ജീവനാ
കുരുന്നിനുണ്ടോ മുനി ജീവനുള്ളതായ്
പറഞ്ഞിടില്‍ കൊല്ലുവതിന്നുറച്ചവര്‍
പറഞ്ഞുവപ്പോള്‍ മുനിയേവമത്രെയാ
കുരുന്നുമാജീവനുമിന്നു നിന്റെയീ
കരത്തിലാണെന്നുമെ നിന്‍ കിനാക്കളാ-
കുരുന്നിനേ പോലെയറിഞ്ഞു കൊള്‍ക നീ
ഒരല്പമശ്രദ്ധ ഞെരിച്ചു കൊന്നിടാം
കുരുന്നിനേ ശ്രദ്ധയൊടേ വളര്‍ന്നിടാം
അറിഞ്ഞുകൊള്ളേണമിതൊക്കെ നിന്റെയീ
കരത്തിലെന്നായി, വളര്‍ത്തു നന്മ നീ
പഞ്ചമുക്തകങ്ങള്‍
മോഹനന്‍ മൂലയില്‍
ചിരദുഷ്കൃതികൊണ്ടു വിശ്വസം-
സ്‌കൃതിയിൽക്കൊത്തുക തന്നെയാമിവൻ
വിഷസഞ്ചിക നീ ഹരിക്ക സു-
പ്രഭയാൽ പുണ്യവിഭാകരോർജ്ജമേ..!
അക്ഷരസ്തനരസം നുണഞ്ഞിടാ-
നക്ഷരാലയവരാങ്കണങ്ങളിൽ
കൂത്തടിപ്പു ഹഹ! കൂട്ടരൊത്തു പൂ
മ്പൊട്ടുതൊട്ട നവബാല്യസൗഭഗം....!
നേരുനട്ടു വളമിട്ടു ,നേരെഴാ-
ക്കൂറുകൊണ്ടു ദിനവും നനയ്ക്കവേ
വേരിടുന്ന ചെടി പൂത്തുകായ്പ്പു നൂ-
റായിരം നുണക, ളെത്ര ചിത്രമേ.....!
മണൽ നിരത്തി യെഴുത്തിനിരുത്തിയും
കരവിരൽക്കു പിടിച്ചു നടത്തിയും
വഴിവിളക്കു കണക്കെ നയിച്ചൊരെൻ
കവനകൗമുദി നീ മറയുന്നുവോ?
അഴലിന്റെ കരിന്തുരുത്തിനി-
ന്നഴകിൻ പൂമഴയാംവെളിച്ചമേ
ഇരുൾ നീക്കി,യകം തെളിക്ക നീ-
യണയാക്കൈത്തിരി തൻ മഹസ്സിനാൽ..!
പരിരക്ഷ മാം
ശ്രീകല നായര്‍ 
താരരാജിപതിരാജിതംചികുരവാരിപൂരിതമനോഹരം
ആശ്രയാശനിടിലംഭവാനിപതിനാഗഹാരപരിഭൂഷിതം
വ്യാഘ്രചര്‍മ്മപരിരംഭണംമഥിതകാളകൂടവിഷകന്ധരം
കാലകാലച പുരാന്തകം സവിഭു ശൂലപാണി പരിരക്ഷ മാം
മുക്തകങ്ങള്‍
അനില്‍ക്കൃഷ്ണന്‍ അരിയന്നൂര്‍
അറിയുക കനവെന്നാല്‍ നിദ്രയില്‍കാണുമോരോ
നിറമെഴുമഴകാര്‍ന്നാ മിഥ്യയാം കാഴ്ചയല്ലാ
ഒരുനിമിഷമുറക്കം നല്‍കിടാതേ മനസ്സില്‍
ത്തിരയടിതുടരും നല്‍ ചിന്തയാമബ്ധിയല്ലോ
തോരാതെയെന്റെ ജനവാതിലിനപ്പുറത്തായ്
ചാറുന്നു രാത്രിമഴ,മാനസവീഥിതോറും...
ചാരുത്വമാര്‍ന്ന മധുരസ്മൃതിയിന്നു വീണ്ടും
ചാരത്തണഞ്ഞ പദ‌നിസ്വനമൊന്നുകേള്‍പ്പൂ!!
 
♥♥♥


കവിസദസ്സ്

 

കവികളുടെ അക്ഷരശ്ലോകസദസ്സാണ്, ഇത്. അപ്രകാശിതങ്ങളായ സ്വരചിതശ്ലോകങ്ങള്‍ മാത്രം അനുവദനീയമായ ഇങ്ങനെ ഒരു സദസ്സു സൈറ്റില്‍ നടക്കുന്നു. കഴിഞ്ഞ ലക്കങ്ങളില്‍ സ്രഗ്ദ്ധര, ശാര്‍ദ്ദൂലവിക്രീഡിതം ,മന്ദാക്രാന്ത, മാലിനി, വസന്തതിലകം , രഥോദ്ധത, ദ്രുതവിളംബിതം, പുഷ്പിതാഗ്ര, മഞ്ജുഭാഷിണി, വസന്തമാലിക, വിയോഗിനി, ഭുജംഗപ്രയാതം , ശാലിനി, വംശസ്ഥം, ഉപജാതി, സമ്മത, അപരവക്ത്രം, പ്രഹര്‍ഷിണി, സ്രഗിണി, സ്വാഗത,  തോടകം,പഞ്ചചാമരം, ശിഖരിണി, പൃത്ഥ്വി, ശങ്കരചരിതം,  ഹരിണി, മല്ലിക,കുസുമമഞ്ജരി  എന്നീ വൃത്തങ്ങളില്‍ അഞ്ചു റൌണ്ടു വീതം പൂര്ത്തിയായ ശേഷം  ആരംഭിച്ച  മത്തേഭം  തുടരുന്നു . സൈറ്റില്‍ സദസ്സു ഇപ്പോഴും തുടര്‍ന്നു കൊണ്ടിരിക്കുന്നു. 


പങ്കെടുക്കുന്ന കവികള്‍  1.അരിയന്നൂര്‍ ഉണ്ണിക്കൃഷ്ണന്‍ 2.കൈതക്കല്‍ ജാതവേദന്‍ 3.രാമന്‍ നമ്പീശന്‍ കേശവത്ത് 3.ശ്രീലകം വേണുഗോപാല്‍ 5.ഋഷികപ്ലിങ്ങാട് 6.വാരിയത്ത് കുട്ടി 7. ജിനന്‍ 8.ജ്യോതിര്‍ മ്മയി ശങ്കരന്‍ 9.ഉണ്ണിക്കൃഷ്ണന്‍ ശ്രീലകം 10.തൃക്കഴിപ്പുറം രാമന്‍ 11.ദിലീപ് 12.അനിരുദ്ധ വര്‍മ്മ 13.ഡോ: ആര്‍ .രാജന്‍ 14.ഡോ:ജോയ് വാഴയില്‍ 15.രാജേഷ വര്‍മ്മ 16.പി എന്‍ വിജയന്‍ 17.ഗീത വാസുദേവന്‍ 18. ശ്രീജ പ്രശാന്ത് 19. മധുരാജ് പി സി 20. ആര്യാംബിക 21.സന്തോഷ് വര്‍മ്മ 22.അനില്‍ക്കൃഷ്ണന്‍ അരിയന്നൂര്‍

 
2046
കാരാഗൃഹേ പിറവി സൂരാപഗാകടവില്‍
നീരാകെ മാറ്റി പശുപാ
ഗാരാന്തരത്തിലണവാരാല്‍ യശോദയുടെ
താരാട്ടു കേട്ടു വളരല്‍
വാരാളിടും പ്രണയസാരാമൃതാഖ്യനവ
പൂരാഗമേന്തുമളിയായ്
ജാരാത്മനാ വ്രജഹൃദാരാമസീമ്നി നില; ‍
നീരാഗമോര്‍ക്ക മനമേ!
അരിയന്നൂര്‍ ഉണ്ണിക്കൃഷ്ണന്‍ 
2047
വേഷത്തിനൊത്തു പരിതോഷംനടിച്ചു കര
ഘോഷംലഭിച്ചിടുകിലും
ദ്വേഷം വളർക്കുമുരുദോഷങ്ങളാൽ സുജന
രോഷംഭവിച്ചിടുകിലും
ശേഷം നിനപ്പതിനു വൈഷമ്യമേറ്റു മന
മീഷൽപ്പെടുന്നളവിലു -
ന്മേഷത്തിനാകുമഭിലാഷം മനസ്സില,ത
ശേഷം കഥിക്ക വിഷമം
കൈതയ്ക്കല്‍ ജാതവേദൻ
2048
ശൌര്യം പെരുത്തു പെരുകീടുന്നു നായ്ക്കള്‍ പുരിയുള്ളില്‍ ഭുജിച്ചു പിശിതം 
വീര്യത്തൊടേതു തെരുവും തെണ്ടിടുന്നുദയകാലത്തു ഭൌരവയുതം 
കാര്യം സമസ്തജനഭീതിപ്രദം നഗരി വാഴുന്നവര്‍ പഥികസൌ -
കര്യാര്‍ത്ഥമൊക്കെ നിഹനം ചെയ്ക തെല്ലു കൃപയില്ലാതെ ബാധയൊഴിവാന്‍ 
രാമന്‍ നമ്പീശന്‍ കേശവത്ത്
2049
കണ്ഠത്തില്‍ നാഗ,മൊരു തീക്കണ്ണു നെറ്റിയതില്‍ ,വെള്ളം ജടാന്തരെ,യതൊ-
ത്തുണ്ടാ ഹിമാംശു കുളിരേകാനിതെന്തു രസമാണീ വിഭൂഷകള്‍ ശിവാ !
ഇണ്ടല്‍കെടുത്തുവതിനായ് നിന്റെ മുന്നില്‍ വരുമീ ഭക്തനിറ്റു ഭയമി-
ന്നുണ്ടെങ്കിലും സപദി വേണ്ടുംവിധം വരവുമേകെന്റെയാധിയൊഴിയാന്‍.
ശ്രീലകം വേണുഗോപാല്‍
2050
ഇല്ലെന്റെ തൂലികയിൽ മാധുര്യമേറുമൊരു കാവ്യം രചിക്കുവതിനായ്
നല്ലോരു വൈഭവവുമേറെത്തികഞ്ഞപദജാലങ്ങളും ഭഗവതീ
വന്നീടുകെന്മനസി കാരുണ്യമോടെയൊരു താങ്ങായിയെങ്കിലിവനി-
ന്നാവുന്നപോലെ തവ നാമങ്ങൾ കോർത്ത തിരുമാല്യം പദത്തിലണിയാം
ഋഷി കപ്ലിങ്ങാട്
2051
വാതായനം പതിയെ ചാരുന്നതെന്തിനു വിശാലാക്ഷി നീ പറയണം
ചൂടല്പമൊന്നു കുറയാനാണു ഞാനതു തുറന്നിട്ടതെന്റെ കരളേ
ആരും വരില്ല ഭയമൊക്കെക്കളഞ്ഞു വര മഞ്ചത്തിലേക്ക് കയറൂ
മന്ദാനിലന് തഴുകി നീങ്ങുന്നതെത്ര സുഖ മീഗ്രീഷ്മ താപ മകലാന്.
വാരിയത്ത് കുട്ടി
2052
ആരും കൊതിയ്ക്കുമൊരു പൂപോൽ കവർന്നു മനമേറീട്ടെനിയ്ക്കു സദയം
നീയേകിയോ പറകയോമൽക്കൊടീ പ്രണയ,മാവോളമിന്നു നുകരേ
ഞാനോർത്തിടുന്നു മമ ഗാനത്തിനേകി പുതു ശീലൊന്നു നമ്മളറിയു-
ന്നീ ജീവിതം ക്ഷണികമാണെങ്കിലും പറകിലാനന്ദതുന്ദിലമയം
ജ്യോതിര്‍ മയി ശങ്കരന്‍
2053
ഞാനാരു ജീവശതകോടിക്കിടക്കു കടുകോളം വരുന്നകൃമിയോ
ദാനം ലഭിച്ച മമ ജീവന്‍റെ യാത്രയിതി-
ലാരന്യമൊന്നുതുണയായ്
ആനന്ദരൂപനഖിലേശന്‍ കൃപാനിധി 
നിയോഗിച്ചിടുന്നവഴിയേ
മീ നാളമുള്ളതുവരേ!
മാനാപമാന ഭയമെന്യേ ചരിച്ചിടണ-
മീ നാളമുള്ളതുവരേ!
ഉണ്ണിക്കൃഷ്ണന്‍ ശ്രീലകം
2054
അന്നത്തിനന്യരുടെ മുന്നിൽത്തൊഴുന്ന പടി നിന്നീടവയ്യ, യതുപോൽ,
ചെന്നൈ തരുന്ന വിഷമൊന്നായ് നിറഞ്ഞ പഴമെന്നേ! മടുത്തിതു പരം;
പൊന്നിൻവിലയ്ക്കഹഹ വന്നീടുമാന്ധ്രയരി തിന്നീടവയ്യയിനിമേ,
ലെന്നാകിലോ കൃഷികൾ നന്നായ് തുടങ്ങിടുക മുന്നത്ത മട്ടിലിഹ നാം.
തൃക്കഴിപ്പുറം രാമന്‍ 
2055
പേപ്പർ പ്രഭാതസമയത്തൊന്നു നീർത്തിടു-
കിലത്യന്തഭീതിയുളവാം
മുപ്പത്തിരണ്ടു കൊല, നാരീപ്രഘർഷണവു-
മൊത്തും കവർച്ച നിതരാം
ഒപ്പം പൊതുസ്ഥലമെടുക്കുന്നു കൈവശ-
മഹോ കൂടെ നവ്യതരമായ്
ഇപ്പോഴൊരാധുനിക സൈബർ ദുരാക്രമവു-
മെത്തുന്നു വാർത്തകളിലായ്
ദിലീപ്
2056
ഓരായിരം മൃദുലസൂനങ്ങളിന്നു തിരുപാദാംബുജം പൊതിയവേ
മാരാരിതന്‍ പ്രിയതമേയെന്നിലെന്നുമിനി കാരുണ്യമാരി ചൊരിയൂ
തീരാത്തശോകമഖിലം തീര്‍ത്തു നീ കനിയു, മായേ, മഹേശി ജനനീ
പാരാകെ നിന്‍ കഥകള്‍ പാടാനെനിക്കുമൊരു ഭാഗ്യം തരൂ ഭഗവതീ
അനിരുദ്ധ വര്‍മ്മ
2057
തങ്ങള്‍ക്കു താന്‍ സഭയില്‍ മേല്‍ക്കോയ്മ കിട്ടിടണമെന്നുള്ള മോഹമൊടഹോ
പൊങ്ങച്ചമുള്ള ചില പാണ്ഡിത്യമാനികളിടിച്ചിങ്ങു കേറി ബലമായ്‌
ചട്ടം തിരുത്തിയിഹ  മാര്‍ക്കാല്‍ ജയിക്കുമൊരു പുത്തന്‍ പരിഷ്കൃതി വശാല്‍
നേട്ടങ്ങളൊക്കെയുമവര്‍ക്കുള്ളതാക്കിയിഹ തമ്പ്രാക്കളായി ഞെളിവൂ 
ഡോ രാജന്‍
2058
ചേറ്റിൽക്കുരു,ത്തതിനെ മാറ്റിപ്രസൂനമിഴിവിറ്റിപ്പു താമരകൾ; വി-
ണ്ണാറ്റിൽ നിറഞ്ഞ മുകിലൂറ്റിത്തെളിച്ചു നിറമേറ്റിസ്ഫുരിപ്പു മഴവിൽ.
കാറ്റിൽപറന്നു വഴിതെറ്റിപ്പതിച്ച മണി,യൂറ്റിൽക്കിളിർപ്പു മരമായ്;
തെറ്റിൽത്തപിച്ചു മിഴിയിറ്റിക്കുമശ്രുകണമാറ്റിത്തെളിപ്പു ഹൃദയം.
ജോയ് വാഴയില്‍
2059
കാണാകണം ഹൃദി സദാനേരവും, കനിവു തൂകുന്ന ചാരുവദനം
കേട്ടീടണം,കുളിരു കാതില്‍ ച്ചൊരിഞ്ഞരുളിടുന്നോരു വേണുനിനദം
ഓര്‍ത്തീടണം തവ കഥാസാരമെന്നുമകതാരില്‍ ഹരേ!മുരരിപോ!
ചേര്‍ത്തീടണം , രമ തലോടുന്ന പാദമതിലീ പ്രാണനന്ത്യസമയേ
ഗീത വാസുദേവന്‍
2060
ഒന്നല്ല, മുന്നിലൊരുപാടുണ്ടു വേഷമതിലോരോന്നെടുത്തു ചമയാ-
മെന്നാകിലും തനതു ഭാവങ്ങൾ മാറിമറയുന്നേരമങ്ങു കുഴയും
തന്നിൽ തെളിഞ്ഞ വരികൾക്കൊട്ടു തൊങ്ങലിനു പൊന്നിൻറെ ചായമിടുവാ-
നിന്നും തുനിഞ്ഞു, ചിതറിപ്പോയ് മഴക്കുളിരിലെല്ലാമലിഞ്ഞു വെറുതേ 
ശ്രീജ പ്രശാന്ത്
2061
താരാഗണങ്ങൾ മിഴി ചിമ്മുന്നു, മേഘനിരയാരാൽ മുഴക്കിയമലം
നേരുന്നു മംഗള,മതോരാതെ വർഷനിര ചോരുന്നു മണ്ണിലനിശം;
തേരേറി വെല്ലുമൊരു സൂര്യൻ കണക്കെയൊളി പേറുന്ന നിത്യഹരിതം -
പൂരിച്ച കീർത്തിയൊടു വാഴട്ടെ ഗോപി ചിര, മാരോഗ്യസൗഖ്യസഹിതം.!
ജയദേവ് കൃഷ്ണന്‍
2062
തനിയ്ക്കു പശുതാൻ വേണമെന്നിടതു
നേതാവുരയ്ക്കെയതുകേ-
ട്ടന്ന്യൂനപക്ഷജനമൊന്നാകെ വോട്ടരുളു-
മെന്നേ ഭയന്നു വലതൻ
ചൊന്നൂ തനിയ്ക്കതിനെയീറോട്ടിലിട്ടു പകൽ
കൊല്ലേണമെന്നു കനിവ-
റ്റിന്നീപ്പിശാചകുലനാശത്തിനുള്ളവഴി
കാട്ടീടണം പശുപതേ!
മധുരാജ് പി സി
2063
ചേരുന്നതായ പൊരു ളോരുന്നതാം കവിത നേരുന്നതിക്കുതകു മാ
റാരുറ്റുതീർക്കുവതു വാരുറ്റുതാൻ പെരിയ പേരുറ്റു വെന്നിടുമവൻ
പാരുറ്റു നോ ക്കു മതിഭീരുത്വമോ ടവ നെ, ചാരുത്വ മാർന്ന ഹൃദ യേ
കാരുണ്യ മാർന്നു നവ താരുണ്യ വാൻ നയന നീരുറ്റ ദീനനു ശിവൻ
നാമംഗലം മാധവന്‍
2064
പാടുന്ന കോകിലവുമാടുന്നമാമയിലു-
മോടുന്നവാജിഗണവും
കാടും പ്രശാന്തമൊരുമേടും കുണുങ്ങിയൊഴുകും
ചോലയെന്നിവകളും
തേടുന്നു തങ്ങളെ ജനിപ്പിച്ചശക്തിയുടെ
മാഹാത്മ്യമെന്നുമിവിടെ-
ക്കൂടുന്നബുദ്ധിയൊടു വാഴുന്നമാനവനു
തോന്നാത്തതെന്തിതിനിയും?
സന്തോഷ് വര്‍മ്മ‌

 



സമസ്യ 


(സൈറ്റില്‍ കൊടുക്കുന്ന സമസ്യകളും പൂരണങ്ങളും )

 

സമസ്യ നമ്പർ 250
 
മലയാളികൾക്കു മതമെന്തിനാണിനി?
 
സമസ്യാകാരൻ: മധുരാജ് പി സി
വൃത്തം:മഞ്ജുഭാഷിണി
1
ഇല, പൂവു, കായ്കൾ നിറയുന്ന ഭൂവിടം,
പലജാതിമർത്യറൊരുമിക്കുമീയിടം, 
കല, കായികങ്ങൾ കൊടികുത്തിടുന്നിടം  
മലയാളികൾക്കു മതമെന്തിനാണിനി?
കുട്ടന്‍ ഗോപുരത്തിങ്കല്‍
2
കലഹം മുതല്ക്കു കൊലപാതകങ്ങളും
മലയാളനാട്ടിലൊരുപാടു കേള്‍പ്പു ഞാന്‍ 
പല പാതകങ്ങളിതുപോല്‍ നടക്കിലീ
മലയാളികൾക്കു മതമെന്തിനാണിനി?
വിനോദ് വര്‍മ്മ‌
3
കൊലയാളികൾ, ചെറുകുമാരിപീഡകർ
കളവാളികൾ, പെരിയ ദുഷ്ടവർഗവും
തലയാളരായ് മരുവിടുന്നുവെങ്കിലോ ,
മലയാളികൾക്കു മതമെന്തിനാണിനി?
ദിലീപ്
4
ഫലമെന്തു കിട്ടി മതമുള്ള കാരണം?
കൊല, കയ്യുവെട്ടലഥ കൊള്ളിവയ്പ്പുമോ?
നലമോടു തമ്മിലൊരുമിച്ചു വാഴുവാന്‍
മലയാളികള്‍ക്കു മതമെന്തിനാണിനി?
ഡോ രാജന്‍
5
കൊലകൊള്ളിവയ്പ് ബലസംഗപീഡനം 
കലയാക്കിവെല്ലുവിളിയോടെയൊന്നിലും 
പലജാതി,വർഗ്ഗ,മത ഭേദമില്ലയീ 
മലയാളികൾക്കു മതമെന്തിനാണിനി?
സുബ്രഹ്മണ്യന്‍ കുറ്റിക്കോല്‍
6
ശലഭം സുമങ്ങളണയും പ്രകാരവും
പലതും പദാര്‍ത്ഥമൊരു പോലെ തന്നെയും
നലമോടു സര്‍വ്വമൊരുമിച്ചു പോയിടും
മലയാളികള്‍ക്കു മതമെന്തിനാണിനി
വി വിശ്വനാഥന്‍ നമ്പ്യാര്‍
7
രതിപീഡകൊണ്ടു മുടിയുന്ന യൗവ്വനം
പരപീഡകൊണ്ടു വലയുന്ന ബാലകള്‍
മറുചിന്തവിട്ടു കൊലചെയ്തിടുന്നൊരീ-
മലയാളികള്‍ക്കു മതമെന്തിനാണിനി
ശ്രീകല നായര്‍ 
8
വരി നിന്നു വാങ്ങുമൊരു കുപ്പികൊണ്ടു തൻ
മറവിപ്പുറത്തെറിയുമാധി, ഭൂതവും;
പ്രതിവാരബമ്പർ തരുമാശ, ഭാവിയും;
മലയാളികൾക്കു മതമെന്തിനാണിനി?
മധുരാജ് പി സി
9
നിലനില്പു ഗള്‍ഫുമണിയാണു, ഭക്ഷണം
പല നാട്ടിലുള്ള വിള, ജീവചര്യയോ
കൊല കൊള്ള, പീഡനമിതൊക്കെ നമ്മളീ
മലയാളികള്‍ക്കു മതമെന്തിനാണിനി
അരിയന്നൂര്‍ ഉണ്ണിക്കൃഷ്ണന്‍
10
അലിവേറിടുന്ന ഹൃദയം പരസ്പരം
നിലനിന്നിടുന്ന ബഹുമാനവും പരം
കലഹിച്ചിടാതെ കഴിയാന്‍ കൊതിയ്ക്കുമീ
മലയാളികള്‍ക്കു മതമെന്തിനാണിനി
അനില്‍ക്കൃഷ്ണന്‍ അരിയന്നൂര്‍
സമസ്യ നമ്പർ 251
 
ഒളിച്ചോടുമപ്പോളുറക്കച്ചടക്കം
 
സമസ്യാകാരൻ: തൃക്കഴിപ്പുറം രാമന്‍
വൃത്തം:ഭുജംഗപ്രയാതം
1
തിളയ്ക്കുന്നൊരാകപ്പു വെള്ളത്തിലല്പം
ഗുളംചേർക്ക, കാപ്പിപ്പൊടിക്കൊപ്പമായി
ഇളക്കീട്ടതൂതിക്കുടിച്ചീടുമെങ്കിൽ
“ഒളിച്ചോടുമപ്പോളുറക്കച്ചടക്കം“
കുട്ടന്‍ ഗോപുരത്തിങ്കല്‍
2
വിളിക്കുന്ന നേരം സ്വഭക്തന്നുവേണ്ടി
പിളര്‍ക്കുന്നു തൂണും നൃസിംഹാവതാരം 
തെളിഞ്ഞൊന്നു കാണായ് വരുന്നോര്‍ക്കു, ചൊല്ലാ-
“മൊളിച്ചോടുമപ്പോളുറക്കച്ചടക്കം
വിനോദ് വര്‍മ്മ‌
3
കുളിച്ചോമലാളെത്തി വേണ്ടുന്ന കൂട്ടും
തളിച്ചോരു കട്ടൻ തിളപ്പിച്ചുടൻ മാം
വിളിച്ചോതിടും സ്മേരവും ചേർത്തെണീക്കാ-
ലൊളിച്ചോടുമപ്പോളുറക്കച്ചടക്കം
ദിലീപ്
4
ഉദിക്കുന്ന സൂര്യന്റെ മര്‍ശങ്ങളുള്ളില്‍
പതിക്കുന്ന നേരത്തിളം കാറ്റിനൊപ്പം
തിളപ്പിച്ചകാപ്പി സ്വദിക്കാനുമുണ്ടേല്‍
ഒളിച്ചോടുമപ്പോളുറക്കച്ചടക്കം
ശ്രീകല നായര്‍
5
ഒളിത്താര്‍ പരത്തി പ്രപഞ്ചത്തില്‍ഭാസ്വാന്‍
ഒളിച്ചെത്തി കാറ്റെന്റെ വാതായനത്തില്‍
വിളിച്ചെന്നെമന്ദം പുണര്‍ന്നൊന്നു നിന്നാല്‍
ഒളിച്ചോടുമ പ്പോളുറക്കച്ചടക്കം
ശ്രീകല നായര്‍
6
വിളിയ്ക്കുന്ന നേരം മയക്കം വിടാതേ
പുളിയ്ക്ക്ന്ന വാദങ്ങളോരോന്നുയര്‍ത്തി
തെളിഞ്ഞൂക്കു കാണിച്ചിടും മുമ്പു തന്നെ
ഒളിച്ചോടുമപ്പോളുറക്കച്ചടക്കം
വി വിശ്വനാഥന്‍ നമ്പ്യാര്‍
7
വെളിച്ചം പരക്കുന്നതിന്‍ മുമ്പു നിത്യം
കുളിച്ചീറനും ചുറ്റിയിട്ടല്പനേരം
അളിച്ചാര്‍ത്തുവര്‍ണ്ണന്‍റെ രൂപം നിനച്ചാ
ലൊളിച്ചോടുമപ്പോളുറക്കച്ചടക്കം
അരിയന്നൂര്‍ ഉണ്ണിക്കൃഷ്ണന്‍
8
എഴുന്നേറ്റുടൻ നീർ കവിൾക്കൊണ്ടു നന്നായ്
മിഴിച്ചുള്ള നേത്രങ്ങളിൽപ്പച്ചവെള്ളം
തളിച്ചീടുകയ്യഞ്ചു വട്ടം കരത്താ
ലൊളിച്ചോടുമപ്പോളുറക്കച്ചടക്കം.
തൃക്കഴിപ്പുറം രാമ‍ന്‍
9
കുളിര്‍ച്ചൂടിടുന്നാ പുലര്‍ക്കാലനേരം
കുളിച്ചീറനായാ മുടിത്തുമ്പിലൂറും
ഇളം നീര്‍ക്കണം ഭാര്യയെന്നില്‍ തളിയ്ക്കേ
ഒളിച്ചോടുമപ്പോളുറക്കച്ചടക്കം
സമസ്യ നമ്പർ 252
അഴലാറ്റിടും നടനവൈഭവത്തിനാല്‍
സമസ്യാകാരൻ: രാമന്‍ നമ്പീശന്‍ കേശവത്ത്
വൃത്തം:മഞ്ജുഭാഷിണി
1
വഴിപാടുതന്നെ കളിയായൊരംബലം
മിഴിപൂട്ടിടാതെയൊരുകാണി തേവരും
പിഴവൊക്കെയാറ്റി വരമേകിടാമവൻ
അഴലാറ്റിടും നടനവൈഭവത്തിനാല്‍
കുട്ടന്‍ ഗോപുരത്തിങ്കല്‍
2
അഴലാ ലുഴന്നു കഴിയുന്ന മര്‍ത്ത്യരേ
മിഴിവാര്‍ന്ന നൃത്തഗൃഹമൊന്നിലെത്തുവിന്‍
കഴിവുള്ള നര്‍ത്തകികളങ്ങു നിങ്ങള്‍ ത-
ന്നഴലാറ്റിടും നടനവൈഭവത്തിനാല്‍
ഡോ രാജന്‍
3
മിഴിയൊന്നിലഗ്നി, കൃപ ഗംഗ തന്നെയാ-
യൊഴുകുന്നു നാഗമുടലൊക്കെയുള്ളവന്‍ 
കുഴയുന്ന നേരമകതാരിലെത്തിയെ-
ന്നഴലാറ്റിടും നടനവൈഭവത്തിനാല്‍
വിനോദ് വര്‍മ്മ‌
4
കഴലിൻ ദ്വയം ഫണിഗണങ്ങളിൽ ദ്രുതം
പിഴയാതെ വച്ചു തുടരെക്കളിച്ചിടും
മഴമേഘവർണ്ണ, തവ രൂപമെന്നുമെ-
ന്നഴലാറ്റിടും നടനവൈഭവത്തിനാൽ
ദിലീപ്
5
മഴനൃത്തമാടി പുഴയും നിറഞ്ഞഹോ!
തുഴപോയതോണി ചുഴിയിൽ കറക്കമായ്
മൊഴിയുന്നതെന്ത് "മൃതിയാം മഹാനടൻ
അഴലാറ്റിടും നടനവൈഭവത്തിനാൽ!"
സുബ്രഹ്മണ്യന്‍ കുറ്റിക്കോല്‍
6
മഴവില്ലിനൊത്ത ചിറകും വിരിച്ചു തേ -
നൊഴുകുന്ന ഷഡ്ജമധുരം മുഴക്കിയും
പഴനീനിവാസ ! തവ യാനവാഹമെ -
ന്നഴലാറ്റിടും നടനവൈഭവത്തിനാല്‍
രാമന്‍ നമ്പീശന്‍ കേശവത്ത്
7
മഴ മാറി മാനമൊളി വീശി സത്വരം
മഴവില്ലെടുത്തു മലര്‍വില്ലു തീര്‍ക്കവേ
അഴകാര്‍ന്നു കേകികളനംഗതപ്തര്‍ ത‌
ന്നഴലാറ്റിടും നടനവൈഭവത്തിനാല്‍
അരിയന്നൂര്‍ ഉണ്ണിക്കൃഷ്ണന്‍ 
സമസ്യ നമ്പർ 253
.......വിപഞ്ചികയ്ക്കു വിരലായിടാൻ
സമസ്യാകാരൻ: സുബ്രഹ്മണ്യന്‍ കുറ്റിക്കോല്‍
വൃത്തം:കുസുമമഞ്ജരി
1
രാഗവർണ്ണമിയലുന്നൊരാച്ചൊടികളിൽ വിടർന്ന നറുമുല്ലയാൽ
രാഗിണീ! യിവനിലാശതൻ നറുസുഗന്ധമേകി നടകൊണ്ടു നീ
രാഗലോലയിനിയെത്തിടും, ഹൃദയതാളമോടെയൊരു രഞ്ജിനീ
രാഗമാലികയുതിർത്തിടാൻ മമ "വിപഞ്ചികയ്ക്കു വിരലായിടാൻ"
കുട്ടന്‍ ഗോപുരത്തിങ്കല്‍
2
പാടുവാനറികയില്ല തെല്ലു, മൊരുവീണയത്രെ മമ മാനസം
പാടുകില്ലയതുതാനെ, പാടുവതിനായെടുത്തിടുക വാണി നീ
കേടു വന്നു ചില തന്ത്രിയെങ്കിലതുമാറ്റിടൂ, കരുണയൊന്നു ത-
ന്നീടു, പാടുപെടുമെന്റെ മാനസവിപഞ്ചികയ്ക്കു വിരലായിടാൻ"
വിനോദ് വര്‍മ്മ‌
3
ഏണനേത്രകുലശീർഷരത്നമയമാലികേ
ബഹുകൊതിപ്പു തേ
പ്രാണനായകപദം വഹിച്ചുമൊരു ദാ-
സനായി മരുവീടുവാൻ
നാണമില്ല മമ മല്ലികാമണമിയന്ന നിന്റെ
കുഴലായിടാൻ
വേണുവിന്നധരമായിടാൻ തവ
വിപഞ്ചികയ്ക്കു വിരലായിടാൻ
ദിലീപ്
4
കാവ്യവല്ലരി വിടർന്നിടുന്നു മണികർണ്ണി
കാരകുസുമങ്ങളാൽ
ദേവദേവ മണിവേണുവൂതിതരുണീമ
നസ്സിലൊഴുകാൻ വരൂ
ഭാവരാഗലയതാളവാദ്യമണിനൂപു
രങ്ങളിലുയർന്നുവെൻ
ദേവ വന്നിടു ഹൃദന്തമാം മണി "വിപഞ്ചി
കയ്ക്കു വിരലായിടാൻ
ദീപ കരുവാട്
5
ചിത്രവേണുരവ,മത്തൽ തീർത്തൊഴുകി
യെത്തിടുന്നു വനസാനുവിൽ
സ്നിഗ്ദ്ധ കോകിലകുലം കവർന്നുമന
മർദ്ധരാത്രിയിലുമാർദ്രമായ്
ഷട്പദങ്ങൾ മധുവുണ്ടുറങ്ങിവര
പുഷ്പമെത്തകളി,ലെന്തു നീ
സ്വപ്നസുന്ദരി!വരാഞ്ഞു മന്മഥ
വിപഞ്ചികയ്ക്കു വിരലാകുവാൻ..?
മോഹനന്‍ മൂളയില്‍
6
താരഹാരമണയുന്നസന്ധ്യയില്‍ വിരിഞ്ഞ തിങ്കളൊടുചന്ദ്രികാ-
പൂരിതം ഗഗനചത്വരം തിമിരമേഘജാലപരിഭൂഷിതം
ഭൂവുണര്‍ന്നു നിശഗന്ധിയാര്‍ന്നുരുചിരാഭമാംസുദതി നര്‍ത്തനം
മദ്രമോടെവരികോമലേ മമ വിപഞ്ചികയ്ക്കുവിരലായിടാന്‍
ശ്രീകല നായര്‍
7
ഇന്നുനിന്റെ മുഖദർശനത്തിനതിമോഹമോടെ വഴികാത്തുഞാൻ
വന്നതില്ല മൃദുശിഞ്ജിതം തവസുഗന്ധവാഹിയൊരു തെന്നലും
ഒന്നുപാടി വിരഹംമറന്നു ശ്രുതിഭാവമായ്ക്കുസുമമഞ്ജരീ
വന്നണഞ്ഞുമമനെഞ്ചിനുള്ളിലെവിപഞ്ചികയ്ക്കു വിരലായിടാൻ.
സുബ്രഹ്മണ്യന്‍ കുറ്റിക്കോല്‍

 

 

 

ശ്ലോകേതരവിഭാഗം 

 

കാവ്യകേളി

(ഭാഷാകവിസദസ്സ് )

 ഭാഷാവൃത്തത്തിലുള്ള സ്വരചിതങ്ങളായ കവിതാഖണ്ഡങ്ങള്‍ കവികള്‍ കാവ്യകേളിയുടെ നിയമമനുസരിച്ചു പോസ്റ്റു ചെയ്യുന്ന സദസ്സാണ് ഇത്. ഇതില്‍ പങ്കെടുക്കുന്ന ഏഴു കവികള്‍ ഈ ക്രമത്തിലാണ്, ഇരിക്കുന്നത്:

1.അരിയന്നൂര്‍ ഉണ്ണിക്കൃഷ്ണന്‍ , 2.ഉണ്ണി എടക്കളത്തൂര്‍ , 3.രാമന്‍ നമ്പീശന്‍ കേശവത്ത്, 4 ശ്രീലകം വേണുഗോപാല്‍, 5.അനില്‍ക്കൃഷ്ണന്‍ അരിയന്നൂര്‍ , 6.ദേവദാസ് മായന്നൂര്‍ 7. പൊതാളൂര്‍ വിജയന്‍ 8.വാരിയത്ത് കുട്ടി, 9.സന്തോഷ വര്‍മ്മ


ഈ സദസ്സ് 01-01-2013 നു ആരംഭിച്ചു 

 

769
നാടിതു ദൈവത്തിന്‍ സ്വന്തമെന്നോതുവാന്‍
നാണമാവുന്നില്ലേ നാട്ടുകാരേ
നാരിയെ കെട്ടി വലിയ്ക്കും ദുശ്ശാസന‌
ന്മാരുടെ ക്രൂരത കാണ്മതില്ലേ
കൌരവക്കൂട്ടമൊത്താര്‍ത്തു ചിരിയ്ക്കുന്ന‌
ദുര്യോധനരൂപം കാണ്മതില്ലേ
ഒന്നുമേ മിണ്ടാതെ ഭീഷ്മപിതാമഹന്‍
മുന്നിലിരിയ്കുന്നു കാണ്മതില്ലേ
അരിയന്നൂര്‍ ഉണ്ണിക്കൃഷ്ണന്‍ 
770
കഷ്ടം നിനക്കുകില്‍ രാഷ്ട്രത്തിലെമ്പാടും 
കച്ചവടം തന്നെ വിദ്യാദാനം 
ഇഷ്ടത്തിനൊക്കാത്ത ശിഷ്യരെദ്ദുഷ്ടന്മാര്‍
തച്ചുകൊന്നീടിലും വാദമില്ലാ
മച്ചിന്മേല്‍തൂങ്ങും ജഡങ്ങള്‍ ജനനിയെ 
പിച്ചിക്കീറീടും ഭരണയന്ത്രം 
ചിന്തിക്കില്‍ കഷിമദിരാന്ധന്മാര്‍ തമ്മി-
ലന്തമില്ലാത്ത പോരൊന്നാം പ്രതി 
രാമന്‍ നമ്പീശന്‍ കേശവത്ത്
771
മന്നിലാര്‍ക്കാര്‍ക്കുമേ മേന്മകളേകുവാന്‍
നാലാണു നാരിമാരെന്ന ചൊല്ലോര്‍പ്പു ഞാന്‍
മാതാവു,സോദരി,ദാരങ്ങള്‍,പുത്രിയും
രൂപങ്ങള്‍ വന്നുനിരക്കുന്നു മുന്നിലായ്
എങ്കിലും ഞാനറിയുന്നു മറ്റുള്ളവര്‍
ഒന്നൊഴിയാതെ പിരിഞ്ഞുപോവും ദൃഢം
അന്ത്യംവരേക്കെന്റെ സ്പന്ദങ്ങളില്‍ ജീവ-
ബിന്ദുവായ് നിന്നുതുടിപ്പവള്‍ നീ മാത്രം
ശ്രീലകം വേണുഗോപാല്‍
772
എവിടെയാ പുഞ്ചിരിതൂകിടും പൂവുകള്‍
കവിതമൂളീടുന്ന‌ രാപ്പാടികള്‍ 
ഹരിതാഭയാര്‍ന്നൊരാ മാമരച്ചില്ലകള്‍
അരുവിയോളങ്ങള്‍ തന്‍ കാലൊച്ചകള്‍
കുളിരിളം തെന്നലിന്‍ സ്പര്‍ശനങ്ങള്‍,  പാറും
അളികള്‍ തന്‍ മൃദുമന്ത്രനിസ്വനങ്ങള്‍
മഴവന്നിടാതിന്നു ഭൂമിതന്‍ മാറിലായ്
അഴലിന്റെ കണ്ണുനീര്‍ മാത്രമായീ
അനില്‍ക്കൃഷ്ണന്‍ അരിയന്നൂര്‍
773
കേട്ടില്ലേ കൂട്ടരേ കോമാളിമന്ത്രിതൻ
കൂട്ടക്ഷരങ്ങൾ തൻ വാഗ്വിലാസം
കേട്ടാലറക്കുന്ന വാക്കിനാൽ പെമ്പിള-
കൂട്ടത്തെയാകെനാണംകെടുത്തി
ചാണകക്കുഴിയിൽ പുളച്ചാർത്തു നീന്തുന്ന
ചാണകപ്പുഴുവിനെപ്പോൽ പുളക്കും
മണ്ടശ്ശിരോ“മണി”യെച്ചുമന്നീടുവാൻ
മണ്ടരാം നാം ചെയ്ത പുണ്യമെന്ത് ?
പൊതളൂര്‍ വിജയന്‍
774
ചോദിച്ചു വാങ്ങിയതല്ലയീ ജീവിതം,
വീതിച്ചു കിട്ടിയതല്ലന്റെ സ്വത്തുകൾ.
വേദനതിന്നു വളർന്നവനാണു ഞാൻ
ക്രൂരതതൻ പലേ ഭാവങ്ങൾ കണ്ടവൻ!
എങ്കിലുമോർമ്മയിലുണ്ടു പലപ്പൊഴായ്
കാരുണ്യ ചോദനയൊന്നിനാൽ മാത്രമെൻ
നീറും മനസ്സിൽ കുളിർ മഴയെന്നപോലേ
റെസ്സഹായം ചൊരിഞ്ഞു കാപ്പാത്തിയോർ.
വാരിയത്ത് മാധവന്‍ കുട്ടി
775
എന്തിനായ് കണ്‍ ചുവക്കുന്നു, ഗദ്ഗദ,-
മന്തമറ്റൊരു പാരവശ്യം സഖീ   
വന്നുകൊള്ളട്ടെ കാലം നമുക്കായി 
മുന്നമേ കരുതീട്ടുള്ളതല്ലയോ !
എങ്ങുനിന്നു വരുന്നുവെന്നോര്‍ക്കവേ
മങ്ങലേറ്റിടാം ,ഭാവനയ്ക്കപ്പുറം 
എന്നതോന്നലാ,ലെങ്കിലുമേല്ക്കതാ-
നിന്നു നാമാരതോടേറ്റു നില്‍ക്കുവാന്‍ 
ഉണ്ണിക്കൃഷ്ണന്‍ ശ്രീലകം
776
എങ്ങുപോയ് ഭൂമിക്കുള്ളിലജ്ജലം
തിങ്ങിവിങ്ങുമുറവെല്ലാം?
കൊട്ടത്തേക്കുമക്കാളത്തേക്കുമായ്
ഒട്ടുവെള്ളമെടുത്താലും
അത്രക്കത്രക്കു നീർ നിറഞ്ഞിടും
മാത്രനേരത്താൽ മുമ്പെല്ലാം!'
എന്ന ചോദ്യത്തിനുത്തരം ,'കുഴി
ച്ചെന്നാലോ കുന്നും കുണ്ടാവും
തൃക്കഴിപ്പുറം രാമ‍ന്‍
777
അണികളിന്നാകവെ മണ്ടരായി
പണിയിനി പാളുമെന്നുള്ളതായി
പണിപെട്ടുനേടിയൊരീ ഭരണം
ഫണിപോലെ കൊത്തുന്നു തൻകരത്തിൽ
മണിമണിയായ് ചില നാട്ടുഭാഷാ-
മണിനാദം കേൾപ്പിപ്പു മന്ത്രിയേകൻ
അണപൊട്ടിടുന്നു ജനവികാരം
അണയുന്ന ദീപമോ മന്ത്രിമുഖ്യൻ ?
സന്തോഷ് വർമ്മ 

 


പുതിയ കവിതകള്‍

പ്രകൃതി
ജിനദേവൻ വെളിയനാട്
അനുദിനമായ് ശതകോടി വെളിച്ച-
ക്കതിരുകൾ വാനിലുതിർത്തിടുമർക്കൻ
പുതുമയൊടിന്നു വിരുന്നുവരുന്നൂ
പലപല വർണ്ണവിതാനമൊരുക്കീ.
അവനിയിലുള്ള ചരാചരമെല്ലാ-
മവനൊടുകൂടിയുദാത്ത മനസ്സായ്
കരവിരുതോടെയൊരുക്കിയതെല്ലാം
മനുജനു ജീവിത ലക്ഷ്യമൊരുക്കി.
തകരുകയില്ലതു മർത്ത്യരിതേപോൽ
ചെറു ചെറുനാമ്പുകൾ നട്ടുനനച്ചാൽ
പുഴയിലെ നീരു നിറഞ്ഞു കവിഞ്ഞാ,
പ്രകൃതിയൊരുങ്ങിയണഞ്ഞിടുമെന്നും.
അറിവിന്റെ ആദ്യപടി
അനില്‍ക്കൃഷ്ണന്‍ അരിയന്നൂര്‍
അറിവിന്റെ തേന്‍ നുണഞ്ഞീടുവാനക്ഷര‌
തിരുമുറ്റവാടിയില്‍ വന്നിറങ്ങും....
അരിയൊരാ ചിറകും വിരിച്ചുകൊണ്ടെത്രയോ
നിറവര്‍ണ്ണമാര്‍ന്നിടും പൂമ്പാറ്റകള്‍!!
കൊതിതീരുവോളമുദ്യാനമേ പാറുവിന്‍
മതിതീര്‍ന്നിടും വരെ കളിയാടുവിന്‍.....
മനതാരിലാകെയും നന്മയോടെന്നുമേ
നറുമണമെങ്ങും പടര്‍ത്തീടുവിന്‍!!
♥♥♥

 

ഇംഗ്ലീഷ് കവിതകള്‍ക്കു ശ്ലോക/ഭാഷാവൃത്ത പരിഭാഷ 

 കഴിഞ്ഞ കാലത്തെ ഇംഗ്ലിഷുകവികളുടെ കൃതികളെ പരിചയപ്പെടുകയും

അംഗങ്ങള്‍ പരിഭാഷപ്പെടുത്തുകയും ചെയ്യുന്നതാണ് ഇംഗ്ലീഷ് ശ്ലോക

പരിഭാഷ എന്ന ഈ ഫോറം .ഇത് കൈകാര്യം ചെയ്യുന്നത് ശ്രീ രാമന്‍

നമ്പീശന്‍ കേശവത്ത് ആണ്.  

 

ഇംഗ്ലീഷ് കവിത 73
Faith" Is A Fine Invention
Emily Dickinson
Faith" is a fine invention
When Gentlemen can see—
But Microscopes are prudent
In an Emergency.
ശ്ലോക പരിഭാഷ‌
1
രാമന്‍ നമ്പീശന്‍ കേശവത്ത്
വിപദി ചെയ്യുവതെന്തിതറിഞ്ഞിടാ -
നുപകരിക്കുവതീശ്വരഭക്തിയാം
സപദി സൂക്ഷ്മനിരീക്ഷിണി ശങ്കയാര്‍ -
ന്നിടവുമാസ്തികര്‍ പോംവഴി കാണ്മതാം
ഇംഗ്ലീഷ് കവിത 74
Alfred Lord Tennyson 
Once in a golden hour
I cast to earth a seed.
Up there came a flower,
The people said, a weed.”''
ശ്ലോക പരിഭാഷ‌
1
രാമന്‍ നമ്പീശന്‍ കേശവത്ത്
ഒരു ശുഭസമയത്തു ഞാനെറിഞ്ഞു -
ള്ളൊരു പുതുവിത്തു മുളച്ചു വന്നു മണ്ണില്‍
സുരുചിരമൊരു പൂ വിടര്‍ന്ന നേരം
വെറുമൊരു പാഴ്ച്ചെടിയാണിതെന്നു നാട്ടാര്‍
2
ദിലീപ്
വിത്തൊന്നു സന്മുഹൂർത്തത്തിൽ
പൃഥ്വ്യാo ഞാൻ പാകി, വൃദ്ധമായ്
പാർത്തു പൂവൊരു നാൾ തുമ്പിൽ
മർത്യർക്കായതു പാഴ്ച്ചെടി
3
വിനോദ് വര്‍മ്മ‌
വിത്തൊന്നു പാകിയടിയന്‍ സുമുഹൂര്‍ത്തമാണെ-
ന്നോര്‍ത്തന്നു മണ്ണിലതുമെല്ലെ മുളച്ചു പിന്നെ
പൂത്തോരുനേരമതുകണ്ടവരോതിപാഴാ-
ണത്രേ വിരിഞ്ഞ മലരീചെടിയെന്നുമെല്ലാം
4
ശ്രീകല നായര്‍ 
വിത്തൊന്നുപാകിധരയില്‍ശുഭമാര്‍ന്നനേരം 
പെട്ടന്നുപൊട്ടിമുളയിട്ടൊരുപുഷ്പമിട്ടു
പാര്‍ത്തോരുമാത്രഖലുവോതിജനങ്ങളെല്ലാം
മൃത്തില്‍ വളര്‍ന്നതൊരുപാഴ്ച്ചെടിമാത്രമല്ലോ

 

 

 


 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥


 

 www.aksharaslokam.com

 

സൈറ്റില്‍ അംഗമാകാന്‍  ഇപ്പോള്‍ തന്നെ റജിസ്റ്റര്‍   ചെയ്യുക.(ഹോം പേജില്‍

റജിസ്റ്റെര്‍ ഇന്‍ ക്ലിക്കു ചെയ്തു കോളങ്ങള്‍ പൂരിപ്പിക്കുക)

 

സൈറ്റില്‍ ലഭ്യമായ പുസ്തകങ്ങള്‍ 

 

 
1.സഹസ്രദളം :


ഗ്രന്‍ഥകര്‍ത്താവ് : അരിയന്നൂര്‍ ഉണ്ണിക്കൃഷ്ണന്‍

അഷ്ടപ്രാസം ,യമകവിദ്യ, ഗോഹത്യയും ബ്രഹ്മഹത്യയും എന്ന മണി
പ്രവാള ഖണ്ഡകാവ്യം ,കറുത്ത ചേകവന്‍ എന്ന പച്ചമലയാളം കാവ്യം,
രസരാജന്‍, കുറിമാനം (എഴുത്തുകുത്തുകള്‍ , ആശംസകള്‍ , ചരമശ്ലോക
ങ്ങള്‍), അക്ഷരശ്ലോകമാഹാത്മ്യം (നൂറു പൂക്കള്‍, അംബോപദേശം) , തിരു
ശേഷിപ്പ് എന്നിങ്ങനെ എട്ടു അദ്ധ്യായങ്ങളിലായി ആയിരത്തിലധികം 
ശ്ലോകങ്ങള്‍ അടങ്ങുന്ന കൃതി. 2000ത്തില്‍ കൂനംമൂച്ചി അക്ഷരശ്ലോകവേദി 
പ്രസിദ്ധീകരിച്ചു.


2.അരിയന്നൂര്‍ :


അരിയന്നൂര്‍ ഗ്രാമത്തിന്റെ സാംസ്ക്കാരിക ചരിത്രം . ക്ഷേത്രത്തെക്കുറി
ച്ചുള്ള വിശദവിവരങ്ങള്‍ . ആധുനിക കാലഘട്ടത്തിലെ സം ഭവങ്ങളുടെ 
വിവരണം . കൂടാതെ നൂറോളം സരസശ്ലോകങ്ങള്‍ editor അരിയന്നൂര്‍ 
ഉണ്ണിക്കൃഷ്ണന്‍


3.അക്ഷരശ്ലോക ഡയറക്ടറി 2000:


ഗ്രന്‍ഥകര്‍ത്താവ് : അരിയന്നൂര്‍ ഉണ്ണിക്കൃഷ്ണന്‍

അക്ഷരശ്ലോകകലാരംഗത്തുള്ള സംഘടനകളുടെയും വ്യക്തികളുടെയും 
വിവരങ്ങള്‍ അടങ്ങുന്ന ഇത:പര്യന്തമുണ്ടായിട്ടുള്ള ഏക കൃതി.


4.ഉപനയനം :

ഗ്രന്‍ഥകര്‍ത്താവ്: ആദരേടത്ത് നീലകണ്ഠന്‍ ഭട്ടതിരിപ്പാട്
ആദരേടത്തിന്റെ ശ്ലോകങ്ങളുടെ സമാഹാരം .'മയൂരദൂത്' എന്ന സന്ദേശ
കാവ്യത്തിന്റെ പരിഭാഷ പൂര്‍ണ്ണ രൂപത്തില്‍ ഈ പുസ്തകത്തില്‍ഉണ്ട്.

5.കണ്ണോക്ക് :

ടി.എം . പോള്‍ മാസ്റ്റര്‍ സ്മരണിക. കേരളത്തിലെ പ്രഗത്ഭരായ അക്ഷര
ശ്ലോകപ്രവര്‍ത്തകരുടെ പ്രൌഢലേഖനങ്ങള്‍,പഴയ നൂറു കവികളുടേതാ
യി നൂറു ശ്ലോകങ്ങള്‍ ,കൊച്ചുണ്ണിത്തമ്പുരാന്റെ 'കാന്തവൃത്തം ' എന്ന 
പുസ്തകത്തിന്റെ പൂര്‍ ണ്ണരൂപം എന്നിവ ഉള്ളടക്കത്തില്‍ പെടുന്നു.

6.തിലാഞ്ജലി:

പണ്ഡിതവര്യനും ബഹുമുഖപ്രതിഭയുമായിരുന്ന കാര്യാട്ടുശങ്കുണ്ണിനായര്‍
കൂനമ്മൂച്ചി അക്ഷരശ്ലോകവേദി അദ്ധ്യക്ഷനായിരിക്കെ 1989ല്‍ അന്തരിച്ചു. 
അക്കാലത്തു പ്രസിദ്ധീകരിച്ച ഒരു സ്മരണികയാണു 'തിലാഞ്ജലി'. മാട
മ്പു കുഞ്ഞുകുട്ടന്റെ അനുസ്മരണലേഖനം, മണ്മറഞ്ഞു പോയ എന്‍.ഡി. 
കൃഷ്ണനുണ്ണി,കെ.എന്‍ഡി., ആദരേടം ,നെല്ലുവായ് കെ.എന്‍ നമ്പീശന്‍ തു
ടങ്ങി പലരുടെയും ശ്ലോകരചനകള്‍ എന്നിവ ഉള്ളടക്കത്തില്‍ പെടുന്നു.

7.ശിവൊള്ളിക്കൃതികള്‍ :

ശിവൊള്ളിയുടെ ലഘു ജീവചരിത്രക്കുറിപ്പു, ദാത്യൂഹസന്ദേശം കാവ്യം, 
തെരഞ്ഞെടുത്ത 60 ശ്ലോകങ്ങള്‍ എന്നിവയാണ് ഉള്‍ക്കൊള്ളിച്ചിട്ടുള്ളത്.

8.ശ്ലോകമേവ ജയതേ :

മണ്മറഞ്ഞ ശ്ലോകപ്രതിഭകളെ പരിചയപ്പെടുത്തുക എന്ന ഉദ്ദേശത്തോടെ 
ആരംഭിച്ചിട്ടുള്ള ഒരു പംക്തിയാണു ഇത്.

9.രാമകൃഷ്ണവിലോമകാവ്യം :

ഗ്രന്‍ഥകര്‍ത്താവ് : സൂര്യകവി
ജലജ എന്ന വാക്കു അനുലോമമായും പ്രോമമായും ഒരേ പോലെ വാ
യിക്കാവുന്ന പദമാണ്. മോരു തരുമോ എന്ന വാക്യം ഇപ്രകാരം തന്നെ. 
വിലോമപദം ,വിലോമവാക്യം എന്നിങ്ങനെ ഇവയെ വിളിക്കാം. വാക്യം
വലുതാകും തോറും ഇത്തരം ​ഘടന ക്ലിഷ്ടമാകുന്നു. ഇംഗ്ലീഷില്‍ ഒരു ആ
ശയം പ്രകടിപ്പിക്കുന്ന ഏറ്റവും വലിയ വിലോമവാക്യം a man, a plan, a 
canal, panama എന്നാണെന്നു ഗിന്നസ് ബുക്കില്‍ കൊടുത്തിട്ടുണ്ട്.
ഇവിടെ ഇതാ ഒരു സംസ്ക്കൃത കാവ്യം. എല്ലാ ശ്ലോകങ്ങളും വിലോമ
ങ്ങള്‍! മാത്രമല്ല, രണ്ടു ഇതിവൃത്തങ്ങള്‍ ഒരേസമയം പറഞ്ഞു പോകുക
യും ചെയ്യുന്നു. ശ്ലോകങ്ങളുടെ പൂര്‍വ്വാര്‍ദ്ധങ്ങള്‍ ശ്രീരാമകഥ പറഞ്ഞു 
പോകുമ്പോള്‍ ഉത്തരാര്‍ദ്ധങ്ങള്‍ ശ്രീകൃഷ്ണകഥ പറഞ്ഞു പോകുന്നു. കാ
വ്യകാരന്റെയും സംസ്ക്കൃത ഭാഷയുടെയും മഹത്വം! നമ്മുടെയെല്ലാം 
സുകൃതവും .
രാമകൃഷ്ണവിലോമകാവ്യത്തിനു മലയാളവ്യാഖ്യാനം തയ്യാറായിട്ടുള്ള
തു ഖണ്ഡശ: പ്രസിദ്ധീകരിക്കുന്നു. ആദ്യശ്ലോകത്തിന്റെ വ്യാഖ്യാനംകൊടു
ത്തിട്ടുണ്ട്.പണ്ഡിതോത്തമനായശ്രീ.മച്ചട്ട് ടി.നീലകണ്ഠന്‍ നമ്പീശനാണു 
വ്യാഖ്യാതാവ്.

10.ഗോശാല:

ഗ്രന്‍ഥകര്‍ത്താവ് : ഉണ്ണി എടക്കളത്തൂര്‍
ഉണ്ണി എടക്കളത്തൂര്‍ എന്ന തൂലികാനാമത്തില്‍ അറിയപ്പെടുന്ന കെ.പി.
നാരയണന്‍ നമ്പീശന്റെ ശ്ലോകരചനകള്‍ സമാഹരിച്ചതാണു കൃതി. 1994 
ലെ കവനകൌതുകം പുരസ്ക്കാരജേതാവാണു കവി. പുരസ്ക്കാരത്തിന
ര്‍ഹമായ കവിതയും ഇതില്‍ ഉള്‍പ്പെട്ടിട്ടുണ്ട്.

11.ഒറവങ്കര ശ്ലോകങ്ങള്‍:

ഒറവങ്കരയുടെ തെരഞ്ഞെടുത്ത കുറെ ശ്ലോകങ്ങള്‍

12.വൃത്തങ്ങളിലെ താളഘടന:

ഗ്രന്‍ഥകര്‍ത്താവ് : അത്തിപ്പറ്റ രവി. 
പരമ്പരാഗതരീതിയില്‍ നിന്നു വ്യത്യസ്തമായി, താളത്തെ അടിസ്ഥാനഘട
കമാക്കി വൃത്തങ്ങളെ വിശകലനം ചെയ്യാനുള്ള ഒരു ശ്രമം. സംസ്ക്കൃത
വൃത്തമായാലും ,ഭാഷാവൃത്തമായാലും , ചലച്ചിത്രഗാനമായാല്‍ പോലും 
അവയിലെല്ലാം പൊതുവായ ഒരു താളഘടനയെ കണ്ടെത്തുന്ന ഒരു .
സൈദ്ധാന്തികഗ്രന്‍ഥം

13. ശ്രീരാഘവയാദവീയം:

രാമകൃഷ്ണവിലോമകാവ്യം പോലെ തന്നെ മറ്റൊരു വിലോമകാവ്യം. 
വെങ്കിടാധ്വരി എന്ന കവിയാണ് ഇതിന്റെ രചയിതാവ്. രാമകഥ പറ
ഞ്ഞു പോകുന്ന ഓരോ ശ്ലോകത്തിനും കൃഷ്ണകഥ പറഞ്ഞു പോകുന്ന 
പ്രതിലോമശ്ലോകം എന്നാണു രചനയുടെ രീതി. ഓരോ ജോടി ശ്ലോകവും
വിലോമമാണെന്നര്‍ത്ഥം . പദച്ഛേദം കൂടെ കൊടുത്തിട്ടുണ്ട്.

14.നാരായണീയം ഭാഷാവൃത്തത്തില്‍ :

അരിയന്നൂര്‍ ഉണ്ണിക്കൃഷ്ണന്റെ പരിഭാഷ.

15.ഭര്‍ത്തൃഹരി എന്ന  ഫോറം:

ഭര്‍ത്തൃഹരിയുടെ ശതകത്രയം ഭാഷാവൃത്തത്തിലേക്കു പരിഭാഷപ്പെടു
ത്തുക എന്നതാണു ലക്ഷ്യം

16.അരിയന്നൂര്‍  E-Magazine :

ശ്ലോക വിവരങ്ങളടങ്ങുന്ന ഒരു മാസികപ്രസിദ്ധീകരണം.  എല്ലാ 10-ആം 
തിയ്യതിയും പ്രസിദ്ധീകരിക്കുന്നു.

17.ശയനപ്രദക്ഷിണം:

ശ്രീ.രാധാകൃഷ്ണന്‍ കാക്കശ്ശേരിയുടെ കവിതാസമാഹാരമാണു. സാഹിത്യ
ത്തിന്റെ വിവിധ ശാഖകളിലായി നിരവധി പുസ്തകങ്ങള്‍ രചിച്ചിട്ടുള്ള
ഗ്രന്‍ഥകര്‍ത്താവിന്റെ ഈ കൃതി ശ്ലോകങ്ങളും ഭാഷാവൃത്തത്തിലുള്ള
കവിതകളും ഉള്‍ക്കൊള്ളുന്നതാണ്.

18.കഥാത്രയീ ശ്ലേഷകാവ്യം: സമ്പൂര്‍ണ്ണമലയാളവ്യാഖ്യാനത്തോടുകൂടി.

രാമായണ-ഭാരത-ഭാഗവത കഥകള്‍ ഒരുമിച്ചു പറഞ്ഞു പോകുന്ന വിശി
ഷ്ടമായ ഒരു സംസ്ക്കൃതകാവ്യമാണ്. ഓരോ ശ്ലോകവും മൂന്നു രീതിയില്‍ 
അര്‍ത്ഥം ഉള്‍ക്കൊള്ളുന്നു. ചിദംബരകവിയുടെ ഈ കാവ്യത്തിനു മലയാ
ളവ്യാഖ്യാനം രചിച്ചിട്ടുള്ളതു മച്ചാട്ടു ടി. നീലകണ്ഠനാണ്.
വന്ദനശ്ലോകത്തിനു 10 അര്‍ത്ഥമാണു വ്യാഖ്യാതാവു കൊടുത്തിരിക്കുന്നത്.

19. അഷ്ടപ്രാസം :

സമ്പാദകന്‍ : അനില്‍ക്കൃഷ്ണന്‍ പി.യു.
ശാര്‍ദ്ദൂലവിക്രീഡിതം  വൃത്തത്തില്‍ ഓരോ ശ്ലോകത്തിലും എട്ടു സ്ഥല
ത്തു കൃത്യമായ താളത്തില്‍ ഒരേ പദം ആവര്‍ത്തിച്ചു വരുന്ന വിധം 
പദകുബേരന്മാര്‍ക്കു വിഹരിക്കാനുള്ള രചനാസങ്കേതമാണു അഷ്ടപ്രാസം. 
നാല്പതോളം കവികള്‍ ;നൂറ്റിഅമ്പതില്പരം ശ്ലോകങ്ങള്‍ ; ശ്ലോകസദസ്സു
കളിലൂടെയും കയ്യെഴുത്തു പുസ്തകങ്ങളിലൂടെയും മാത്രം തലമുറകള്‍ 
താണ്ടിയ നിരവധി രചനകള്‍. കുറെ പുതിയ രചനകളും.

20. പെട്ടരഴിയം കൃതികള്‍

പെട്ടരഴിയം വലിയ രാമനെളയതിന്റെ തെരഞ്ഞെടുത്ത കൃതികള്‍ ശ്ലേ
ഷം,പരല്‍ ഘടന,ശയ്യാഗുണം തുടങ്ങിയവയില്‍ അദ്വിതീയനായിരുന്നു 
ഗ്രന്‍ഥകര്‍ത്താവ്. വള്ളത്തോള്‍ പോലും പേട്ടരഴിയത്തിനെപ്പോലെ ശ്ലോകം
എഴുതാന്‍ കഴിയണമെന്നു കൊതിച്ചിട്ടുണ്ടത്രേ . സപ്തപ്രാസം ദീക്ഷിച്ചു 
രചിച്ചിട്ടുള്ള വഞ്ചിപ്പാട്ടു (നതോന്നത) രീതിയിലുള്ള ഒരു കവിത കൂടി .
ഇതില്‍ ചേര്‍ത്തിട്ടുണ്ട്

21.  കാതുകുത്ത്  

ഗ്രന്‍ഥകര്‍ത്താവ് : കുറുവല്ലൂര്‍ മാധവന്‍ 
കഴിഞ്ഞ രണ്ടു പതിറ്റാണ്ടു കാലമായി കൂനമ്മൂച്ചി അക്ഷരശ്ലോകവേദി
യുടെ അദ്ധ്യക്ഷനായി തുടരുന്ന  ശ്രീ കുറുവല്ലൂര്‍ മാധവന്റെ ശ്ലോകസ
മാഹാരം . കൂനമ്മൂച്ചി അക്ഷരശ്ലോകവേദി 1994 ല്‍ പ്രസിദ്ധീകരിച്ചതാണ് 
ഈ കൃതി.

22. പച്ചമലയാളം

സാധാരണപ്രയോഗത്തിലുള്ള മണിപ്രവാളമലയാളത്തിന്റെ നിഷേധമാണ് 
പച്ചമലയാളം.സംസ്ക്കൃതപദങ്ങള്‍ ഒഴിവാക്കിയുള്ള മലയാളമെന്നാണ് 
ഉദ്ദേശിക്കുന്നത്. മനസ്സ്, ദുഃഖം ,വിഷമം ....തുടങ്ങി സമ്സ്ക്കൃതത്തില്‍ നി
ന്നു സ്വീകരിക്കപ്പെട്ടിട്ടുള്ള പദങ്ങളെല്ലാം നിഷിദ്ധം . ഇങ്ങനെയുള്ള 
കാവ്യങ്ങളുടെ ഒരു ശേഖരം .

23. അക്ഷരശ്ലോക സദസ്സ്  ഫോറം

അംഗങ്ങള്‍ക്കു  ശ്ലോകങ്ങള്‍ പൊസ്റ്റു ചെയ്തു സദസ്സില്‍ പങ്കെടുക്കാം .

24.  സ്തവപുഷ്പമാലിക

ഗ്രന്‍ഥകര്‍ത്താവ് : പണ്ഡിതഭൂഷണം പി.കെ.രാമന്‍ നമ്പ്യാര്‍ 
ശിഖരിണി വൃത്തത്തില്‍ 50 സംസ്ക്കൃതശ്ലോകങ്ങള്‍ വ്യാഖ്യാനത്തോടു 
കൂടി . തട്ടകത്തമ്മയായ പനങ്ങാട്ടുകര ഭഗവതിയെ സ്തുതിച്ചുള്ളതാണ് 
ഇതിവൃത്തം .കൊല്ലവര്‍ഷം 1106 ല്‍ പ്രസിദ്ധീകൃതമായത്.

25. .ശ്രീവിജയോദയം മഹാകാവ്യം

ഗ്രന്‍ഥകര്‍ത്താ : മഹാകവി പന്തളം കേരളവര്‍മ്മ
മഹാകവിയുടെ രണ്ടു മഹാകാവ്യങ്ങളില്‍ കൂടുതല്‍ പ്രശസ്തമായതു 
രുഗ്മാംഗദചരിതം ആണ്. എന്നാല്‍ വിജയോദയം കാവ്യവും കാവ്യമേന്മ 
കൊണ്ടും പന്തളത്തിന്റെ സ്വതസ്സിദ്ധമായ ശബ്ദാലങ്കാരവൈദഗ്ദ്ധ്യം  
കൊണ്ടും അതീവ മനോഹരമാണ്.
 
26. കളിയോഗത്തില്‍ 

ഗ്രന്‍ഥകര്‍ത്താവ് : ഉണ്ണി എടക്കളത്തൂര്‍ 
 
ഗ്രന്‍ഥകര്‍ത്താവിന്റെ ആദ്യത്തെ കാവ്യ സമാഹാരമാണ്‍ 1990 ല്‍ പ്രസി
ദ്ധീകരിക്കപ്പെട്ട ഈ പുസ്തകം ..

27. ഉഷയുടെ ശയനഗൃഹം

ഗ്രന്‍ഥകര്‍ത്താവ് : മഹാകവി കുട്ടമത്ത്
 
മഹാകവിയുടെ മുഖമുദ്രയായ രചനയിലെ  ശബ്ദസൌന്ദര്യവും ശാലീന
തയും നിറഞ്ഞു നില്‍ ക്കുന്ന ഒരു കൃതി.
 
28.  ആന്തര സാമ്രാജ്യങ്ങള്‍

 
കവിതാസമാഹാരം 
ഗ്രന്‍ഥകര്‍ത്താവ് : രാധാകൃഷ്ണന്‍ കാക്കശ്ശേരി 
 
29.  കേരളം


ഗ്രന്‍ഥകര്‍ത്താവ് : മഹാകവി കൊടുങ്ങല്ലൂര്‍ കുഞ്ഞിക്കുട്ടന്‍ തമ്പുരാന്‍ 
കേരളത്തിന്റെ ചരിത്രവും ഐതിഹ്യങ്ങളും ക്രോഡീകരിക്കപ്പെട്ടിട്ടുള്ള
കാവ്യം . ഈ വിഭാഗത്തിലെ ഏറ്റവും പ്രശസ്തവും സമഗ്രവും , അതേ
സമയം മനോഹരവുമായ മലയാളകാവ്യം .  
 
30. പുലരി 
 
കവിതാ സമാഹാരം 
ഗ്രന്‍ഥകര്‍ത്താവ്: : ടി വി ജോസ്മാസ്റ്റര്‍ 
 
കൂനംമുച്ചി അക്ഷരശ്ലോക വേദിയുടെ സെക്രട്ടറി ആയിരിക്കേ 1997ല്‍ അ
ന്തരിച്ച ടി വി ജോസ് മാസ്റ്റരുടെ കാവ്യ രചനകള്‍ സമാഹരിച്ച കൃതി.